Erakusketa: uztailaren 13a, arratsaldetik eta uztailaren 24a goiza arte egongo da ikusgai Biteriko Erakusketa gelan. Biteri kultur etxeko ordutegian.
Hitzaldia: uztailaren 16an, arratsaldeko 18:30etan izango da erakusketa gelan bertan. Josetxo Mendiak emango ditu azalpenak eta kontatuko du bere esperientzia. Auzia gaur nola dagoen ere esango digu.
Ideia lehiaketan aukeratutako hiru proiektuak ezagutzeko aukera egongo da Biteri Kultur Etxean jarriko den ERAKUSKETAN 2026·06·02
Erakusketa, maiatzaren 21etik ekainaren 11ra Biteri kultur etxean (Sukalde gelan) egongo da ikusgai. Hiru proiektuen panelak, aurkezpen bideoak eta memoriak egongo dira bertan.
‘Uda parkean’ jaialdia hilaren 23tik 25era ospatuko da Ave Maria parkean
Adin guztientzako kultur eta jarduera fisiko eskaintza izango da; ginga Izaki Gardenak-en kontzertuak jarriko dio jaialdiari
Uda Parkean jaialdiak berriz ere aire librean aisialdiaz gozatzeko aukera emango du Hernanin. Aurten, uztailaren 23tik 25era bihurtuko da Ave Maria parkea herriko kale-bizitzaren erdigune. "Parkeaz gozatzeko eskaintza da", azaldu du Aitor Huizi Hernaniko Kultura zinegotziak, "udan ere herritarrentzako aisialdi eskaintza egon dadin".
Hernaniko Udaleko Kultura, Jarduera Fisiko eta Kirola eta, Haur, Nerabe eta Gazteria sailek elkarlanean osatu dute egitaraua. "Azpimarratzekoa da Uda Parkean-en aniztasuna: adin aldetik eta diziplinei dagokionez, baita eskaintzaren ordutegiaren aldetik ere, hiru egunez parkeaz modu ezberdinetan gozatu ahal izateko", gaineratu du Huizik.
Uda Parkean-i ginga jartzeko, Izaki Gardenak
Hain zuzen ere, Uda Parkean-en ardatz nagusietako bat kultur ekitaldiak izaten dira. Diziplina ezberdinei egiten zaie toki, publiko anitzaren interesekoa izan dadin. Aurten, txikienentzako Cris Clown clown kataluiniarraren Home; Ez da kasualitatea bertso saio musikatua -Eli Pagola ereñotzuarra ariko da Amaia Agirreri erantzuten, Maialen Akizu eta Maddi Aiestaranekin batera-; zirkua Zirkozaurrerekin (Ardatza); Haatiken Ioi dantza emanaldia edota Duck'to konpainia kataluiniarraren A rienda suelta akrobazia emanaldia izango dira.
Honez gain, euskal musika eszenan tokia egiten ari den eta eskualdeko musikariz osatutako Gailuren kontzertua izango da Uda Parkean-eko azken egunean. Ondoren, ginga jartzeko, Izaki Gardenak-ek joko du.
Gazteengan pentsatutako musika gaua izango da 24an
Aurten, bereziki publiko gaztearengan pentsatutako eskaintza indartzeko ahalegina egin da Uda Parkean-en. Horrela, 24koa gazteengan pentsatutako musika gaua izango da: Zilibito Records musika urbanoa egiten duen kolektiboa eta Hernaniko Sutargi erromeria taldea igoko dira oholtza gainera.
Oritz Barrenetxea eta Hodei Elola Sutargiko taldekideek azaldu dutenez, erromeria berezia ari dira prestatzen Uda Parkean-erako, "herriko lagun musikari, bertsolari eta sortzaileak gonbidatu baititugu gurekin oholtzara".
Egunero, heldu eta haurrentzat ekintzak
Adin guztientzako moduko jaialdia da Uda Parkean. Aurten, hala ere, bereziki ahalegina egin da 65 urtez gorako helduentzat ere eskaintza indartzeko. "Gorputza aktibatzeko jarduerak izango dira goizero, espazio naturalean", gaineratu du Huizi zinegotziak.
Haurrentzako ere egunero izango da eskaintza ludikoa. Askotariko haur jolasez gain, oztopo jolasak ere izango dira Denontzat kirol elkartearekin elkarlanean eta Urumeako biodibertsitatea ezagutzeko tailerra ere izango da.
"Parkeaz gozatzera etortzeko" gonbidapena
Aitor Huizi Kultura zinegotziak baieztatu duenez, "Uda Parkean ari da bere tokitxoa egiten Hernaniko aisialdi eskaintzan. Jaialdi honi esker Ave Maria parkean sortzen den giroa izugarri berezia izaten da".
Huizik hernaniarrak eta inguruko herrietako jendea gonbidatu du Uda Parkean-era hurbildu eta "parkeaz gozatzera". Izan ere, iluntzero parkean afaltzeko aukera izango da, bai etxetik ekarritako janariarekin edota bertan egongo diren food truck-etan.
Egitarau osoa gaurtik aurrera "ohiko tokietan" eskuragarri egongo dela ere adierazi du Kultura zinegotziak.
