Erakusketa: uztailaren 13a, arratsaldetik eta uztailaren 24a goiza arte egongo da ikusgai Biteriko Erakusketa gelan. Biteri kultur etxeko ordutegian.
Hitzaldia: uztailaren 16an, arratsaldeko 18:30etan izango da erakusketa gelan bertan. Josetxo Mendiak emango ditu azalpenak eta kontatuko du bere esperientzia. Auzia gaur nola dagoen ere esango digu.
Ideia lehiaketan aukeratutako hiru proiektuak ezagutzeko aukera egongo da Biteri Kultur Etxean jarriko den ERAKUSKETAN 2026·06·02
Erakusketa, maiatzaren 21etik ekainaren 11ra Biteri kultur etxean (Sukalde gelan) egongo da ikusgai. Hiru proiektuen panelak, aurkezpen bideoak eta memoriak egongo dira bertan.
Sanjoanetako egitaraua etxean jasoko dute hernaniarrek egun hauetan
Sanjoanetako egitaraua etxean jasoko dute hernaniarrek egun hauetan
Iaz baino 10 ekitaldi gehiago izango dira; tartean, familientzako eskaintza handiagoa
Sanjoan jaiak hurbiltzen ari dira eta egun hauetan jasoko dute festetako programa herritarrek euren etxeetan.
Aurten, iaz baino 10 ekitaldi gehiago izango ditu programak: 79. Sanjoanetako Jai Batzordeak hilabetetan zehar lan egin du adin guztietako hernaniarrek gozatzeko moduko egitaraua osatzen, eta horren emaitza da aurtengo egitaraua. Udalak eskerrak eman nahi dizkie Jai Batzordeko kideei, euren ekarpenarengatik.
Aurten, Jai Batzordeak hala erabakita, txupinazoa bi eragilek botako dute: Hernaniko Akelarreak, 40. urteurrena duelako, eta Kontrakantxa gaztetxeak, 20. urteurrena dela eta.
Musikak eta dantzak presentzia berezia izango dute
Musikak presentzia nabarmena izango du sanjoanetan. Egunero izango dira kontzertuak, erromeriak eta txarangak. Euskal musika garaikideak presentzia nabarmena izan ohi du festetan. Aurten, Merina Gris, EZEZEZ, Kilimak, Skabidean eta Sua taldeen kontzertuak izango dira. Euskal Herriko musikaz gain, munduko beste txoko batzuetako musikek ere izango dute tokia: Mexikoko mariatxiek eta Senegalgo musikak.
Herriko musikariek ere presentzia garrantzitsua izango dute herriko festetan. Herriko hiru abesbatzen eta Musika Bandaren emanaldiak izango dira, baita txistularien, dultzaineroen eta Hernani Musika Eskolako ikasleen kalebueltak.
Dantzak ere garrantzia izango du egitarauan: erromeriak, dantza solte txapelketak eta, afrodance tailerra eta emanaldia izango dira, besteak beste. Aurten, gainera, goizaldean ere dantzaldia izango da: festetako azken egunean, 07:30ean, Herri Musika Elkartearen eskutik.
Familientzako eskaintza gehiago eta festak inklusiboak izateko ahalegina
Familientzako programazioa indartzeko ahalegina egin da aurten. Honela, ekainaren 24tik 27ra, egunero familientzako ikuskizun bat egongo da (17:00etan): Sardina freskue berriro Euskaldun Herrian (Eidabe konpainia); Modernoak (Ziriak Zirkus); Kitadelpare eta Zapotxin parranda elkarrekin! txaranga eta pailazoen ikuskizun ibiltaria eta Ekilikua (Tutik Clown). Horrez gain, haur-parkea eta txu-txu trena ere izango dira aurten ere.
Zezen-suzkoa bi egunetan izango da (24an eta 27an) eta azkeneko egunean, Lekittoko Deabruen piroteknia ikuskizuna ere bai.
Hernaniko Udalak sanjoanak geroz eta inklusiboagoak izan daitezen neurriak hartzen ari da. Honela, besteak beste, berriz ere sanjoanetako programan festetan botako diren suziriak markatuko dira eta festen hasieran gune inklusiboa zehaztuko da.
